Bota e influencuesve dhe fitimet e tyre marramendëse në Instagram janë gjithmonë në qendër të vëmendjes, por së fundmi një shifër ka lënë të gjithë pa fjalë: 7,500 euro për një postim të vetëm! Kjo ishte shifra që po qarkullonte në rrjet si pagesa që merr ish-finalistja e “Big Brother VIP Kosova 4”, Elijona.
Pas zhurmës së madhe dhe spekulimeve të shumta, Elijona ka vendosur të flasë hapur dhe të sqarojë njëherë e mirë se si qëndron e vërteta e tregut të reklamave. Në një intervistë të fundit, ajo i ka cilësuar këto pretendime si tërësisht të pavërteta dhe të shkëputura nga realiteti ekonomik ku jetojmë.
Elijona, e cila operon si në tregun e Kosovës ashtu edhe në atë të Gjermanisë, ka bërë një analizë mjaft logjike dhe të drejtpërdrejtë, duke vënë në dukje hendekun e madh mes këtyre shifrave dhe mundësive reale të bizneseve vendore.
“Kur ti punon në tregun e Kosovës, nuk ke shans me i thënë dikujt 7,500 euro, kur rroga mesatare në Kosovë është 400-500 euro. Bizneset nuk kanë mundësi me pagu aq edhe me dashtë… janë çmime jo reale dhe nuk ka asnjë të vërtetë këtu!” – u shpreh ajo prerë.
Sipas saj, përmendja e këtyre shifrave “astronomike” nuk përputhet me fuqinë blerëse të bizneseve lokale. Edhe pse suksesi i saj pas Big Brother ka qenë i padiskutueshëm, Elijona ka zgjedhur të jetë me këmbë në tokë, duke treguar se bota e Instagramit nuk është gjithmonë ashtu siç duket në titujt bombastikë të portaleve.
Ky reagim i saj ka nxitur një debat të gjerë: Sa paguhen realisht VIP-at tanë për një reklamë dhe a po ekzagjerohen shifrat për të krijuar “zhurmë” artificiale?
Leave a Reply