Edhe pse në fillim produksioni kishte paralajmëruar se ky edicion i “Ferma VIP” do të zgjasë plot 100 ditë, duket se planet kanë ndryshuar gjatë rrugës.
Prej javësh kanë qarkulluar aludime për një finale të parakohshme, ndërsa tani po dalin në pah arsyet reale që kanë çuar në këtë vendim strategjik të produksionit.
Sipas burimeve për “Prive”, “Ferma VIP 3” pritet të përfundojë në të njëjtin format kohor si sezonet e mëparshme, me rreth 80 ditë transmetim. Finalja e madhe thuhet se mund të mbahet më 15 ose 19 qershor, data që po përmenden si opsionet më të mundshme për mbylljen e spektaklit dhe shpalljen e fituesit.
Ndryshe nga çfarë është aluduar në rrjet, mbyllja më e hershme nuk ka të bëjë me mungesë interesi apo rënie audience — përkundrazi, programi vazhdon të jetë ndër më të ndjekurit.
Dy arsye kryesore besohet se kanë ndikuar në këtë vendim:
- Kampionati Botëror i Futbollit
Nisja e eventit më të madh sportiv në botë pritet të “rrëmbejë” vëmendjen e publikut, duke ndikuar drejtpërdrejt në shikueshmërinë e programeve televizive në prime time. - Sezoni veror dhe pushimet
Me afrimin e mesit të qershorit, publiku fillon të fokusohet më shumë te pushimet, udhëtimet dhe aktivitetet verore, gjë që tradicionalisht sjell rënie të audiencës televizive në mbrëmje.
Për të shmangur një rënie të mundshme të interesit, produksioni duket se ka zgjedhur ta mbyllë spektaklin në momentin kur është ende në kulmin e vëmendjes dhe diskutimeve në rrjet.
