Gjatë periudhës së tij në formatin “Ferma VIP”, Adioni u bë shpesh objekt i thashethemeve në mediat rozë, të cilat e lidhnin atë me këngëtaren e njohur Diona Fona. Edhe pse pas eliminimit nga gara ai zgjodhi të mos komentonte mbi këto zëra, një veprim i tij i fundit në rrjetet sociale ka rindezur flakët e spekulimeve.
Dje, Adioni ndau në Instastory-n e tij projektin më të ri muzikor të Dionës, duke e shoqëruar me fjalët “2026 banger” dhe urime për dyshen. Pavarësisht se në postim theksohej qartë roli i Adionit si producent i kësaj kënge, duke justifikuar kështu mbështetjen profesionale, ky dedikim publik ka shërbyer si “benzinë zjarri” për thashethemet rreth një lidhjeje të mundshme mes tyre.
Kjo lëvizje vjen në një moment tejet interesant, pasi pikërisht mbrëmjen e kaluar u eliminua nga “Ferma VIP” edhe Ola. Fansat e programit kanë pritur me padurim një romancë mes tyre jashtë shtëpisë, veçanërisht pas momentit romantik në natën e eliminimit të Adionit, ku ai puthi Olën në buzë dhe i premtoi publikisht se do ta priste jashtë.
Dhe në fakt, Adioni e mbajti fjalën: sapo Ola doli nga ferma, ai e priti në studio dhe të dy ndoqën vazhdimin e spektaklit pranë njëri-tjetrit. Me dy vajza të njohura në “lojë” dhe me Olën tashmë të lirë nga izolimi, vëmendja e publikut është e gjitha te Adioni. Mbetet për t’u parë nëse postimi për Dionën ishte thjesht një mbështetje mes kolegësh muzike, apo nëse romanca e lënë pezull me Olën do të nisë zyrtarisht tani që të dy janë jashtë formatit televiziv.
Leave a Reply