Dinamikat brenda “Ferma VIP” kanë marrë një tjetër kthesë mbrëmjen e sotme, kur Soni Malaj pati mundësinë të përballej me atë që shkruhet për të jashtë fermës. Pasi fitoi sfidën javore, këngëtarja zgjodhi të lexonte titujt e portaleve, por ajo që gjeti e la të habitur dhe të revoltuar! 😱
Soni nuk ka kursyer kritikat ndaj mënyrës se si janë interpretuar situatat brenda shtëpisë. Një nga pikat më të nxehta ishte aludimi për një “mollë sherri” mes saj dhe Jonida Maliqin, ku përfshihej edhe emri i Flori Mumajesit.
“Rrena komplet! I thashë Arbanës, a janë për 1 prillin këto lajme?” – u shpreh Soni gjatë një bisede me banorët pas spektaklit. Ajo sqaroi se jo vetëm që nuk ka pasur debat me Jonidën, por largimi i saj e kishte mërzitur vërtet, pasi e konsideronte një konkurrente të fortë dhe dinjitoze.
Këngëtarja vendosi pikat mbi “i” edhe për historinë e saj të kaluar me Flori Mumajesin, duke u shprehur se është e pakuptimtë që ky emër të përdoret ende për të krijuar tensione artificiale.
“Unë kam qenë e fejuar me Florin, por ajo histori ka përfunduar prej vitesh. Jam ndarë, kam krijuar familje, jam bërë me fëmijë… nuk ka asnjë lidhje me realitetin tim sot! Të thuash që jemi ‘mollë sherri’ me Jonidën është thjesht t’i futësh kot!” – deklaroi ajo prerë. 🚫
Soni hodhi poshtë edhe thashethemet për ironi lidhur me veshjet “firmato”, duke thënë se ato shprehje as nuk ekzistojnë në fjalorin e saj. Ky reagim i fortë i këngëtares tregon se sa shumë mund të deformohet e vërteta nga titujt bombastikë, ndërkohë që marrëdhëniet mes kolegëve brenda fermës janë krejtësisht ndryshe.
Leave a Reply